Zelensky: Rusia duhet të humbasë aftësinë e saj për të financuar luf’tën çdo javë

Rusia duhet të humbasë aftësinë e saj për të financuar luftën çdo javë, thotë presidenti ukrainas Volodymyr Zelensky në një postim në Platformën X.

Ai vë në dukje se pavarësisht shantazhit të Rusisë, bota duhet të mbetet e vendosur.

“Vetëm duke mbajtur presionin mund të afrojmë paqen e vërtetë”, thekson presidenti ukrainas.

Ai përmendi gjithashtu ndihmën që Ukraina ka marrë nga partnerët e saj javën e fundit.
“Danimarka ka ndarë rreth 1 miliard korona dhe fondet do të shkojnë për të mbështetur industrinë tonë të mbrojtjes. Norvegjia përgatiti një këst fillestar sipas modelit danez për të rritur prodhimin e armëve në Ukrainë. Po kështu, Suedia merr pjesë në përpjekjet e financimit sipas këtij modeli”.

Shtetet e Bashkuara kanë ofruar një paketë prej 275 milionë dollarësh, shtoi Volodymyr Zelensky.

Përveç kësaj, një paketë e re ndihme u sigurua nga Gjermania, por Kanadaja gjithashtu ofroi një sistem kundërajror NASAMS.

Sanksionet janë po aq jetike, shtoi presidenti i Ukrainës.

Ai nënvizoi se “këtë javë, SHBA vendosi sanksione të reja, shumë efektive që synojnë sektorin bankar të Rusisë”.

“Këto masa dobësojnë ndjeshëm regjimin e Putinit. Megjithatë, nevojitet më shumë, Rusia duhet të humbasë aftësinë e saj për të financuar luftën çdo javë. Pavarësisht se sa gjerësisht Rusia i drejtohet shantazheve, bota duhet të mbetet e vendosur”, përfundoi ai./vizionplus.tv

MARKETING