Whatsappi do t’ua mundësojë të flisni me njerëz në gjuhë të huaja
![Whatsappi do t’ua mundësojë të flisni me njerëz në gjuhë të huaja](https://shenja.tv/wp-content/uploads/2024/07/whatsapp.webp)
Përdoruesve të Whatsappit iu është mundësuar që të kontaktojnë me njerëz të tjerë dhe të flasin në gjuhë të ndryshme. Kjo falë platformës Live Translate, që kompania nën drejtimin e Metas ka vendosur ta lansojë së shpejti.
Në një artikull të “Phonearena” thuhet se Live Translate është funksion që “i dëgjon” fjalët e komunikuesit dhe në mënyrë automatike i përkthen në gjuhën që e përshtatni.
Sipas kësaj, një folës i gjuhës angleze do të mund ta kuptojë folësin e gjermanishtes në kohë reale. Kjo do t’i përfshijë disa prej gjuhëve më të folura në botë.
Whatsapp, që njihet si platforma më e madhe në botë për komunikim, e ka inkorporuar inteligjencën artificiale në disa platforma të saj, me qëllim që produkti për përdoruesin të jetë sa më i avancuar.