Vivo T4 Lite vjen së shpejti, bëhen të ditura madhësia e baterisë dhe çmimi

Pas shumë thashethemeve, vivo T4 Lite pritet të lansohet shumë shpejt.

Këtë e ka konfirmuar dega indiane e kompanisë vivo, e cila ka publikuar “detaje” në llogarinë e saj në rrjetin social X, duke zbuluar kapacitetin e baterisë dhe segmentin e çmimit ku do të pozicionohet pajisja.

Pajisja do të jetë e disponueshme në segmentin nën 10,000 rupia indiane (rreth 115 dollarë / 100 euro) dhe do të shitet përmes faqes zyrtare të vivo, platformës Flipkart dhe dyqaneve fizike në Indi.

Edhe iQOO e ka reklamuar Z10 Lite si “smartfoni 5G me baterinë më të madhe në segment”, gjithashtu me bateri 6,000 mAh.

Megjithëse iQOO nuk ka zbuluar të gjitha specifikat e Z10 Lite, është konfirmuar se telefoni do të vijë me procesorin Dimensity 6300, do të ketë dalje për kufje 3.5 mm, si dhe certifikim IP64 për rezistencë ndaj pluhurit dhe ujit.

Z10 Lite do të jetë i disponueshëm në dy ngjyra: Titanium Blue dhe Cyber Green, dhe do të ketë tri kamera – një kryesore prej 50 MP, një kamerë thellësie prej 2 MP, dhe një kamerë selfie prej 5 MP. /Telegrafi/

MARKETING