Ushtria izraelite la mbrapa shkatërrim masiv në Spitalin Kamal Adwan në Gaza

Ushtria izraelite ka lënë mbrapa shkatërrim masiv në Spitalin Kamal Adwan në rajonin Beit Lahia në veri të Rripit të Gazës, raporton Anadolu.

Banorët e Gazës shprehën habi dhe pikëllim nga gjendja e spitalit pas tërheqjes së forcave izraelite si rezultat i marrëveshjes së armëpushimit të arritur midis Izraelit dhe fraksioneve palestineze.

Spitali Kamal Adwan ishte i fundit që mbeti jashtë funskionit si rezultat i sulmeve brutale të ushtrisë izraelite.

Autoritetet lokale sot njoftuan se ushtria izraelite ka hedhur rreth 100.000 tonë eksploziv në Rripin e Gazës, duke çuar në shkatërrim masiv në gjithë enklavën palestineze që nga tetori i vitit 2023.

Të dielën hyri në fuqi faza e parë gjashtëjavore e marrëveshjes së armëpushimit të Gazës, duke pezulluar luftën gjenocidale të Izraelit në enklavë.

Marrëveshja trefazore e armëpushimit përfshin shkëmbimin e të burgosurve dhe qetësi të qëndrueshme, duke synuar një armëpushim të përhershëm dhe tërheqjen e forcave izraelite nga Gaza.

Gjykata Ndërkombëtare Penale lëshoi ​​urdhra arresti në nëntor për kryeministrin izraelit Benjamin Netanyahu dhe ish-ministrin e tij të mbrojtjes Yoav Gallant për krime lufte dhe krime kundër njerëzimit në Gaza.

Izraeli gjithashtu përballet me një çështje gjenocidi në Gjykatën Ndërkombëtare të Drejtësisë për luftën e tij në enklavë.

MARKETING