Ushtria izraelite e shndërron “vijën e verdhë” të Gazës në realitet të përhershëm

Ushtria izraelite po e shndërron atë që njihet si “vija e verdhë” në Rripin e Gazës në një realitet të përhershëm, duke përforcuar praninë e saj përgjatë saj, transmeton Anadolu.

MARKETING

Sipas raportimit të enjten nga e përditshmja izraelite “Haaretz”, thuhet se vija është bërë në mënyrë efektive një zonë ndarëse fikse në terren, ndërsa ushtria zgjeron vendosjen e saj duke vendosur 32 pozicione ushtarake dhe duke ndërtuar një barrierë tokësore që shtrihet rreth 17 kilometra.

Fillimisht e paraqitur si një fazë e përkohshme përpara një tërheqjeje më të gjerë nga Gaza, vija është bërë konsolidim në rritje në terren në muajt e fundit. Sipas raportimit, “vija e verdhë” është bërë një bosht qendror i vendosjes ushtarake izraelite brenda enklavës, mes operacioneve të vazhdueshme në afërsi të saj.

“Haaretz” raportoi se më shumë se 200 palestinezë janë vrarë pranë vijës në muajt e fundit, pa dhënë detaje të mëtejshme.

“Vija e verdhë” është një kufi imagjinar brenda Gazës në të cilin forcat izraelite u tërhoqën përkohësisht sipas një marrëveshjeje armëpushimi, duke ndarë zonat nën kontrollin izraelit nga zonat ku palestinezët lejohen të jenë të pranishëm.

Më 17 shkurt, ministri Izraelit i Mbrojtjes, Israel Katz tha se Izraeli nuk do të lëvizte “asnjë milimetër” nga vija e frontit derisa Hamasi të çarmatoset.

Forcat izraelite kanë kryer shkelje të përditshme të armëpushimit në fuqi që nga 10 tetori, të cilat kanë vrarë 691 persona dhe kanë plagosur 1.876 të tjerë deri më 18 mars, sipas të dhënave të Ministrisë së Shëndetësisë.

Izraeli nisi një luftë në Gaza në tetor 2023, duke vrarë më shumë se 72 mijë palestinezë, duke plagosur rreth 172 mijë të tjerë dhe duke shkatërruar rreth 90 për qind të infrastrukturës civile.

MARKETING