Ushtria izraelite: 800 deri në 1.000 palestinezë të armatosur u infiltruan në Izrael

Ushtria izraelite tha se po vazhdojnë përleshjet me grupet e armatosura palestineze që janë infiltruar në vendbanimet izraelite nga Rripi i Gazës.

Në një deklaratë për Anadolu, zyra e zëdhënësit të ushtrisë izraelite konfirmoi se po vazhdojnë përleshjet me grupet e armatosura palestineze që kanë depërtuar në rajonet izraelite përreth Rripit të Gazës.

Zyra theksoi se forcat izraelite të sigurisë janë përleshur me 70-90 elementë të armatosur gjatë gjithë natës në vendbanimin Beeri, pak kilometra larg Rripit të Gazës, dhe se jo të gjitha grupet e armatosura palestineze kanë arritur të depërtojnë në vendbanimin atje. Ushtria tha se janë duke vazhduar përleshjet.

Sipas transmetuesit publik izraelit KAN, ushtria izraelite ka vlerësuar se duke filluar nga 7 tetori, 800-1000 elementë të armatosur palestinezë nga Rripi i Gazës janë infiltruar në 20 vendbanime dhe 11 baza ushtarake në Izrael nga 80 boshllëqe të ndryshme përgjatë kufirit.

Thuhet se forcat izraelite të sigurisë janë përleshur me grupet e armatosura palestineze në shtatë pika të ndryshme rreth Rripit të Gazës.

Gjithashtu thuhet se grupet e armatosura palestineze dyshohet se janë infiltruar përmes disa tuneleve të hapura nga Gaza në vendbanimin Beeri.

Ushtria izraelite njoftoi dje se izraelitët u evakuuan nga 24 vendbanime rreth Rripit të Gazës, përfshirë Beerin, dhe se do të vazhdojnë këto evakuime.

MARKETING