Trump: Siria po bën përparim të jashtëzakonshëm me presidentin Al-Sharaa
Presidenti i SHBA-së, Donald Trump vlerësoi sot udhëheqjen e re të Sirisë, duke thënë se presidenti Ahmed al-Sharaa po bën hapa të rëndësishëm pas rrëzimit të regjimit të Bashar al-Assadit, transmeton Anadolu.
“Meqë ra fjala, fola me presidentin, i cili po bën shumë përparim, përparim të jashtëzakonshëm”, tha Trump në ceremoninë e nënshkrimit të Kartës së Bordit të Paqes në margjinat e Forumit Ekonomik Botëror në Davos të Zvicrës.
Trump tha se “Washingtoni është shumë i lumtur për këtë dhe i hoqi të gjitha sanksionet për t’i dhënë Damaskut një shans për të marrë frymë dhe për t’u qetësuar”.
“Ai (Al-Sharaa) po punon shumë, shumë fort dhe mendoj se do t’i vë të gjitha në punë”, shtoi Trump.
Qeveria e Sirisë ka intensifikuar përpjekjet e sigurisë që nga largimi i Assadit në dhjetor 2024 pas 24 vitesh në pushtet.
SHBA-ja ka hequr disa sanksione që synojnë vendin, përfshirë Aktin e Mbrojtjes Civile të Sirisë Cezar të vitit 2019, i cili lejonte kufizime ekonomike dhe udhëtimi për këdo që ndihmonte sektorët ushtarakë, të inteligjencës, të aviacionit ose të energjisë të Assadit.
MARKETING
