Trump pretendon se Irani mund të eliminohet brenda një nate
MARKETING
Presidenti i SHBA-së, Donald Trump, pretendoi sot se forcat amerikane mund ta “asgjësojnë” gjithë shtetin e Iranit brenda vetëm një nate, raporton Anadolu.
MARKETING
“I gjithë vendi mund të asgjësohet brenda një nate, dhe ajo natë mund të jetë nata e nesërme”, u tha Trump gazetarëve.
Ai gjithashtu tha se administrata e tij po kërkon “shumë seriozisht” informatorin që ka nxjerrë informacione mbi pilotin e parë të shpëtuar nga Irani javën e kaluar pasi avioni i tij u rrëzua.
Trump tha se një mision i dytë shpëtimi për një ushtarak amerikan të zhdukur përfshiu 155 avionë, përfshirë katër bombardues, 64 avionë luftarakë dhe 48 avionë furnizimi me karburant në ajër.
Ai kishte deklaruar më parë se rreth 200 pjesëtarë të forcave speciale ndihmuan në operacionin e nxjerrjes.
Komanda Qendrore e SHBA-së, e cila është përgjegjëse për operacionet ushtarake në Lindjen e Mesme, konfirmoi se dy ushtarakë u shpëtuan pasi avioni i tyre McDonnell Douglas F-15E Strike Eagle u rrëzua nga një raketë e lëshuar nga supi më 2 prill.
Që nga 28 shkurti, sulmet e SHBA-së dhe Izraelit ndaj Iran kanë vrarë më shumë se 1.340 persona, përfshirë atëherë udhëheqësin suprem Ali Khamenei.
MARKETING
