Temperatura përvëluese në Evropë, disa shtete në alarm të kuq

Valët e të nxehtit që përshkojnë Evropën kanë shtyrë temperaturat mbi 40 gradë Celsius në disa vende.

Autoritetet po bëjnë thirrje për kujdes pasi kushtet e thata, erërat e forta dhe valët e të nxehtit kërcënojnë zjarre.

Disa rajone italiane po shqyrtojnë ndalimin e disa aktiviteteve të punës gjatë orëve më të nxehta të ditës, ndërsa një valë e fortë e të nxehtit përshkon vendin, duke shkaktuar alarme të kuqe në 17 qytete, shkruan euronews.

Ministria italiane e Shëndetësisë vendosi 17 nga 27 qytete të monitoruara nën alarmin më të lartë për nxehtësi, duke përfshirë Romën, Milanon dhe Napolin.

Autoritetet shëndetësore këshilluan publikun të shmangë aktivitetet e lodhshme gjatë kulmit të nxehtësisë dhe të qëndrojë i hidratuar, veçanërisht grupet e cenueshme si të moshuarit dhe fëmijët e vegjël.

Ndryshe, ekspertët ia atribuojnë frekuencën dhe intensitetin në rritje të valëve të nxehtësisë në Evropën Jugore ndryshimeve klimatike.

Temperatura të larta u raportuan gjithashtu në Greqi dhe Portugali, me vendasit dhe turistët që kërkonin lehtësim nga moti ekstrem.

MARKETING