Sulmi me dron shënjestron portin kryesor të Kuvajtit
MARKETING
Kuvajti tha sot se porti i tij kryesor tregtar, Porti Shuwaikh, u shënjestrua në një sulm “armiqësor” me dron, duke shkaktuar dëme materiale, por pa të lënduar, transmeton Anadolu.
MARKETING
Autoriteti Portual i Kuvajtit tha se mjetet ajrore pa pilot goditën portin herët në mëngjes, duke dëmtuar objektet. Procedurat e emergjencës u aktivizuan menjëherë në koordinim me agjencitë përkatëse.
Porti Shuwaikh, i vendosur në një zonë industriale pranë Qytetit të Kuvajtit, është qendra kryesore tregtare detare e vendit, që merret me ruajtjen, shpërndarjen dhe transportin tregtar të ngarkesave.
Incidenti vjen mes përshkallëzimit të tensioneve rajonale pas një ofensive të përbashkët të SHBA-së dhe Izraelit ndaj Iranit të nisur më 28 shkurt.
Irani është kundërpërgjigjur me sulme me dronë dhe raketa që kanë shënjestruar Izraelin dhe vendet e tjera në rajon, përfshirë ato që strehojnë asete ushtarake amerikane, duke shkaktuar viktima dhe dëme në infrastrukturë dhe duke prishur tregjet dhe aviacionin.
MARKETING
