Suedia do të rrisë shpenzimet e mbrojtjes me 30 miliardë dollarë në ri-armatimin më të madh që nga Lufta e Ftohtë

Suedia ka njoftuar një shtesë prej 300 miliardë korona (30 miliardë dollarë) në shpenzimet e mbrojtjes për ri-armatimin më të madh që nga Lufta e Ftohtë, transmeton Anadolu.

“Bëhet fjalë për një investim të mbrojtjes të financuar nga kredia nga ky vit përmes vitit 2030 deri në vitin 2035 që mund të arrijë në një total prej rreth 300 miliardë koronash”, tha kryeministri Ulf Kristersson në një konferencë për media.

Kristersson pohoi se ata kanë ra dakord të investojnë në shpenzime të reja të mbrojtjes ushtarake për të shmangur “shkurtimin e nevojave të rëndësishme të mirëqenies ose investimeve në sigurinë e brendshme”.

“Ky do të jetë ri-armatimi më i madh që nga Lufta e Ftohtë”, theksoi ai.

Si pjesë e amendamentit të ardhshëm të buxhetit të pranverës gjithashtu u prezantua një paketë prej rreth 9 milionë dollarësh për të luftuar kërcënimet hibride.

U raportua gjithashtu se qeveria do të ndajë rreth 1.5 miliardë dollarë nga buxheti i vitit 2026 për këtë vit, si pjesë e mbështetjes vjetore ushtarake prej 2.5 miliardë dollarësh për Ukrainën për vitet 2024-2026.

“Ne duhet të bëjmë atë që mundemi këtu dhe tani, me qëllim për të forcuar më tej aftësitë mbrojtëse të Ukrainës”, tha gjithashtu në konferencën për media Johan Pehrson, ministër i Arsimit.

MARKETING