Stoltenberg bën thirrje për zgjatjen e pauzës humanitare midis Hamasit dhe Izraelit

Sekretari i Përgjithshëm i NATO-s, Jens Stoltenberg, bëri thirrje për një zgjatje të pauzës humanitare midis Izraelit dhe grupit palestinez Hamas, tani në periudhën e katërt dhe të fundit 24-orëshe, raporton Anadolu.

“E përshëndes faktin që marrëveshja midis Hamasit dhe Izraelit ka çuar në lirimin e pengjeve dhe dërgimin e më shumë ndihmave humanitare”, tha shefi i NATO-s në një konferencë shtypi në Bruksel.

“Unë bëj thirrje për një zgjatje të pauzës. Kjo do të mundësonte lehtësimin shumë të nevojshëm për popullin e Gazës dhe lirimin e më shumë pengjeve”, shtoi ai.

Stoltenberg theksoi se “vuajtjet që kemi parë nënvizojnë nevojën për një zgjidhje të qëndrueshme politike”.

MARKETING