Siria konfirmon 1.426 civilë dhe ushtarë të vrarë gjatë trazirave në mars

Një komitet hetimor sirian njoftoi se 1.426 civilë dhe personel ushtarak u vranë dhe 20 të tjerë u zhdukën gjatë përleshjeve të dhunshme në rajonin bregdetar në mars të vitit 2025, transmeton Anadolu.

Shifrat u prezantuan në një konferencë për shtyp në Damask nga kreu i komitetit, Jumaa Al-Anzi, dhe zëdhënësi Yasser Al-Farhan.

Komiteti deklaroi se afërsisht 200.000 luftëtarë të armatosur nisën një ofensivë në bregdetin e Sirisë në atë kohë, “me qëllim rimarrjen e tij nga mbetjet e regjimit të mëparshëm”. Sulmi në shkallë të gjerë shkaktoi atë që paneli e përshkroi si “shkelje”.

“Disa nga elementët e armatosur nuk ishin të lidhur me qeverinë, gjë që çoi në incidente vrasjesh, plaçkitjesh dhe fyerjesh sektare”, vuri në dukje komiteti.

MARKETING