Shpërthen vullkani Shiveluch në Rusi pas tërmetit 7.0 ballë që tronditi vendin

Një vullkan ka shpërthyer pas një tërmeti me magnitudë 7.0 që goditi brigjet lindore të Rusisë.

Vullkani Shiveluch është rreth 450 km/h nga Petropavlovsk-Kamchatsky, një qytet bregdetar me një popullsi prej rreth 180,000 që shtrihet në rajonin lindor të Rusisë, Kamçatka.

“Sipas vlerësimeve vizuale, kolona e hirit po ngrihet deri në 8 kilometra mbi nivelin e detit”, shkruajnë mediat ruse duke shtuar se vullkani ka lëshuar edhe rrjedhje llave.

Bëhet e ditur se deri më tani nuk ka raportime për persona të lënduar, shkruan CNN.

Sipas Shërbimit Gjeologjik të SHBA-së (USGS), epiqendra e tërmetit ishte rreth 88 kilometra nga Petropavlovsk-Kamchatsky dhe kishte një thellësi prej rreth 48 kilometra.

Asnjë “dëm i madh” nuk u shkaktua nga tërmeti, megjithatë “ndërtesat janë duke u ekzaminuar për dëme të mundshme, me vëmendje të veçantë për objektet sociale”.

Ministria ruse e Emergjencave nuk ka lëshuar paralajmërim për cunami për shkak të tërmetit.

Ndryshe, më herët, Sistemi i Paralajmërimit të Cunamit në SHBA kishte paralajmëruar se “valët e rrezikshme të cunamit nga ky tërmet janë të mundshme brenda 300 kilometrave nga epiqendra përgjatë brigjeve të Rusisë”.

MARKETING