Shefi i OKB-së dënon grushtin e shtetit ushtarak në Gabon: Po ndjekim situatën nga afër

Sekretari i Përgjithshëm i OKB-së Antonio Guterres dënon përpjekjen për grusht shteti në Gabon. Stephane Dujarric tha se Guterres po ndjek “nga afër” situatën në Gabon dhe vëren me shqetësim të thellë shpalljen e rezultateve të zgjedhjeve mes raporteve për shkelje të rënda të lirive themelore.

“Ai dënon me vendosmëri përpjekjen e vazhdueshme për grusht shteti si një mjet për të zgjidhur krizën paszgjedhore. Sekretari i Përgjithshëm rikonfirmon kundërshtimin e tij të fortë ndaj grushteve të shtetit,” tha ai.
Një grup oficerësh të lartë të ushtrisë gaboneze u shfaqën në televizionin kombëtar më herët të mërkurën dhe njoftuan se kishin marrë pushtetin, shkruajnë mediat e huaja.

Lëvizja erdhi menjëherë pasi Qendra Zgjedhore e Gabonit konfirmoi se presidenti aktual Ali Bongo fitoi zyrtarisht një mandat të tretë si president me 64.27% të votave.

Bongo ka qenë në pushtet për më shumë se një dekadë. Gaboni është vendi i fundit afrikan që dëshmoi një grusht shteti të fundit ushtarak pas Nigerit muajin e kaluar dhe Malit në 2022.

MARKETING