Shefi i NATO-s për sulmin në Banjskë: Serbët duhet të mbajnë përgjegjësi

Sekretari i Përgjithshëm i NATO-s, Mark Rutte, ka theksuar se situata e sigurisë në Kosovë është shumë e rëndësishme për ta, duke thënë se është kërkuar nga serbët të mbajnë përgjegjësi për sulmin e vitit 2023 në Banjskë.

Gjatë një konference për media, ai ka shpjeguar se, edhe pse nuk ka bërë një lidhje të drejtpërdrejtë mes situatës në Kosovë dhe ngjarjeve të tjera, stabiliteti në rajon është thelbësor për sigurinë e përgjithshme.

“Nuk e bëra një lidhje direkte me situatën në Kosovë, sepse mendoj se KFOR-i është i rëndësishëm, forcat e BE-së në Bosnje dhe Hercegovinë janë të rëndësishme, ato punojnë ngushtë së bashku, prandaj situata e sigurisë në Kosovë është shumë e rëndësishme për ne”, ka thënë Rutte.
“Duhet të sigurohemi që stabiliteti i arritur që nga viti 1999 të vazhdojë. Sa u përket ngjarjeve në Banjskë dhe sulmit ndaj forcave të NATO-s në vitin 2023, serbët duhet të punojnë për të mbajtur përgjegjësi”, tha tutje ai.

Ai gjithashtu ka përmendur bisedat e fundit me presidentin serb Vuçiq, përfshirë një telefonatë dhe një darkë në Bruksel, ku çështja e përgjegjësisë për sulmin është diskutuar.

MARKETING