Shefi i diplomacisë turke viziton Hungarinë për bisedime

Ministri turk i Punëve të Jashtme, Hakan Fidan, ka filluar vizitën e tij njëditore në kryeqytetin Budapest me ftesë të homologut të tij hungarez, Peter Szijjarto, raporton Anadolu.

Përpara takimit të tij me ministrin hungarez, ministri turk fillimisht vizitoi një varrezë të Luftës së Parë Botërore për martirët turq në Galicia.

“Në kuadër të vizitës sime të parë bilaterale në Hungari, jam i nderuar që jam në prani të martirëve tanë në frontin galician. Sot është 109-vjetori i fillimit të Luftës së Parë Botërore”, tha Fidan, duke nënshkruar në librin e posaçëm të martirizimit.

Më pas, Fidan vizitoi zyrën përfaqësuese të Organizatës së Shteteve Turke në Budapest dhe u adresua me një fjalim në Akademinë e Diplomacisë pranë Ministrisë së Punëve të Jashtme dhe Tregtisë së Hungarisë.

Më vonë gjatë ditës, Fidan dhe Szijjarto do të diskutojnë marrëdhëniet dypalëshe dhe procesin e anëtarësimit të Türkiyes në Bashkimin Evropian (BE), si dhe zhvillimet aktuale rajonale dhe ndërkombëtare.

Dy ministrat pas takimit pritet të adresohen në një konferencë të përbashkët për media.

MARKETING