SHBA vendos sanksione ndaj kompanive kineze që vazhdojnë biznesin me kompanitë ruse

Për të zgjeruar shtrirjen e sanksioneve ndaj Rusisë, SHBA-ja ka përfshirë në listën e sanksioneve shumë kompani, kryesisht kineze, të cilat mbajnë marrëdhënie tregtare me kompanitë ruse, transmeton Anadolu.

Kreu i Departamentit të Sanksioneve Ekonomike dhe Zbatimit të SHBA-së, Aaron Forsberg bëri një deklaratë për Associated Press (AP) lidhur me zgjerimin e fushës së sanksioneve të vendosura për shkak të luftës Rusi-Ukrainë.

Ai tha se shumica e atyre që përfshihen në listën e re të sanksioneve janë kompani dhe individë me bazë në Kinë. “Në këtë listë, për herë të parë u përfshinë adresat për të parandaluar riinkorporimet në të njëjtën adresë me një emër tjetër”, theksoi Forsberg.

Sipas tij, Rusia është “në kërkim të vazhdueshëm” për të shkelur sanksionet dhe për të krijuar zinxhirë të rinj furnizimi. “Prandaj, sanksionet kundër Rusisë përfshijnë marrëdhënie shumë të ndryshueshme”, tha Forsberg.

Thuhet se vendimi i ri për zgjerimin e sanksioneve kundër Rusisë synon të parandalojë rreth 100 milionë dollarë lëvizje tregtare të kompanive që “i dhanë mbështetje Moskës në luftën Rusi-Ukrainë”.

Vihet re se SHBA-ja ka përfshirë më shumë se 4 mijë kompani dhe individë rusë në listën e sanksioneve që nga fillimi i Luftës Rusi-Ukrainë.

MARKETING