SHBA publikon fotot e balonës kineze para se ta godiste

Departamenti i Mbrojtjes së SHBA-së (Pentagon) publikoi një foto nga afër të balonës kineze në lartësi të madhe që u godit më 4 shkurt, transmeton Anadolu.

Pentagoni publikoi foto 20 ditë më vonë, të marra nga piloti luftarak U-2 një ditë para rrëzimit të balonës.

Në fotografitë e marra nga kabina e avionit shihet balona përpara se të goditej, në brigjet e Karolinës së Jugut.

Në pamjet e marra nga niveli më i lartë i balonës, shihen edhe helmeta e pilotit, pjesa e brendshme e kabinës dhe krahu i avionit.

Komanda Veriore e SHBA-së (NORTHCOM) njoftoi se mbetjet e balonës kineze, e cila u rrëzua në brigjet e Karolinës së Jugut më 4 shkurt, u hoqën nga deti dhe u dërguan në laboratorin e Byrosë Federale të Hetimit (FBI) për ekzaminim.

Balona e Kinës në lartësi të madhe, e cila u zbulua mbi shtetin federal Montana të SHBA-së, ku ndodhen armët bërthamore amerikane, shkaktoi krizë diplomatike mes Washingtonit dhe Pekinit.

Balona u rrëzua nga Forca Ajrore e SHBA-së F-22 në brigjet e Karolinës së Jugut më 4 shkurt.

Pas këtij operacioni, Sekretari amerikan i Shtetit, Antony Blinken shtyu vizitën e tij për në Pekin.

Kina pretendon se balona nuk është përdorur për qëllime ushtarake apo inteligjente, por se ajo ka kryer studime meteorologjike dhe ka hyrë në hapësirën ajrore të SHBA-së duke lëvizur.

Departamenti Amerikan i Mbrojtjes pretendon se balona ka aftësi për të mbledhur inteligjencë.

MARKETING