SHBA-ja: Koreja e Veriut do të paguajë çmimin nëse siguron armë për Rusinë

Këshilltari i Sigurisë Kombëtare të SHBA-së, Jake Sullivan, paralajmëroi se Koreja e Veriut do të “paguajë çmimin” në rast se siguron armë për Rusinë, transmeton Anadolu.

Në një konferencë për shtyp, Sullivan vlerësoi kontaktet në rritje kohët e fundit mes Koresë së Veriut dhe Rusisë.

“Mund të them këtë, se sigurimi i armëve për Rusinë për t’u përdorur në betejën e luftës për të konfiskuar territoret sovrane të një vendi tjetër duke vënë në objektiv hambarët dhe infrastrukturën e ngrohjes së qyteteve të mëdha teksa hyjnë në dimër, do të reflektojë në mënyrë negative ndaj Koresë se Veriut dhe ata do të paguajnë çmimin e kësaj në komunitetin ndërkombëtar”, tha Sullivan lidhur me situatën e sigurimit të armëve nga Pheniani ndaj Moskës për përdorimin e tyre në luftën në Ukrainë.

Duke bërë të ditur që e kanë paralajmëruar Korenë e Veriut se nuk duhet të sigurojë armë ndaj Rusisë, Sullivan shtoi se do të vazhdojnë të vlerësojnë mundësitë për të parandaluar hapat që administrata e Phenianit do të ndërmarrë për të shitur armë.

Në lajmin e The New York të cilin e bazon mbi zyrtarë amerikanë, pretendohet se lideri i Koresë së Veriut, Kim Jong-un, këtë muaj do të vizitojë Rusinë dhe se do të takohet me presidentin rus Vladimir Putin për të “diskutuar sigurimin e më shumë armëve për Moskën dhe mundësitë e bashkëpunimit ushtarak në fusha të ndryshme”.

MARKETING