Sekretari i Thesarit të SHBA-së, Bessent: Musk duhet të qëndrojë larg politikës
Ambiciet e Elon Musk për t’i hyrë politikës janë shfaqur edhe më shumë ditët e fundit. Pasi përshkallëzoi grindjen e tij me Donald Trump dhe njoftoi formimin e një partie të re politike në SHBA, sekretari i Thesarit Amerikan tha se Musk duhet të vazhdojë të drejtojë kompanitë e tij dhe jo të merret me politkë.
Shefi i Thesarit, Scott Bessent, tha se bordet e drejtorëve në kompanitë e Musk – Tesla dhe firma e raketave SpaceX – ka të ngjarë të preferojnë që ai të qëndrojë larg politikës.
“Mendoj se këtyre bordeve të drejtorëve nuk u pëlqeu ky njoftim dje dhe do ta inkurajojnë atë të përqendrohet në aktivitetet e tij të biznesit, jo në aktivitetet e tij politike”, tha Bessent.
Musk, i cili shërbeu si këshilltar i lartë në Shtëpinë e Bardhë për shkurtimin e madhësisë së qeverisë gjatë muajve të parë të presidencës së Trump, tha se partia e tij e re do të përpiqet në zgjedhjet e mesit të mandatit të vitit të ardhshëm të rrëzojë republikanët në Kongres që mbështetën “projektligjin e madh dhe të bukur”.
MARKETING
