Së paku 17 të vrarë, përfshirë fëmijë, nga një sulm rus në lindje të Ukrainës
Së paku 17 njerëz, në mesin e tyre edhe fëmijë, janë vrarë të mërkurën nga një sulm rus me raketa në lindje të Ukrainës.
MARKETING
Presidenti i Ukrainës, Volodymyr Zelensky, e dënoi sulmin e 6 shtatorit, duke thënë se viktimat ishin njerëz “të cilët nuk kanë bërë asgjë keq”.
Zelensky tha në Telegram se një treg, dyqane dhe një farmaci u goditën në qytetin lindor, Kostiantinivka, pranë fushëbetejës.
In the middle of the day, russian terrorists hit a market in Kostantinivka, Donetsk region, with a ballistic missile. There are numerous victims, with 16 reported killed as of now. Rescue operations of local civilians are continuing. pic.twitter.com/CcFzwhLPeG
— Defense of Ukraine (@DefenceU) September 6, 2023
Sulmi ndodhi në ditën e vizitës së sekretarit të Shtetit të Shteteve të Bashkuara, Antony Blinken, në Kiev.
“Kjo Rusi e ligë duhet të mposhtet sa më shpejt që të jetë e mundur”, tha Zelensky.
Ministri i Brendshëm i Ukrainës, Ihor Klymenko, tha se 17 njerëz u vranë dhe 32 të tjerë u plagosën, duke shtuar se operacionet e kërkimit kanë përfunduar.
Ky sulm u dënua nga Bashkimi Evropian, i cili e cilësoi atë si “sulm barbar që i terrorizoi popullatën civile në Ukrainë”.
“BE-ja i dënon fuqishëm këto sulme kundër civilëve dhe infrastrukturës civile dhe i bën thirrje Rusisë ta ndalojë menjëherë agresionin çnjerëzor dhe të jashtëligjshëm”, tha një zëdhënës i Bashkimit Evropian.
Njëzet dyqane, linja të rrymës, një ndërtesë administrative dhe një kat i një ndërtese banimi u dëmtuan, sipas zyrës së prokurorit të përgjithshëm.
Ekipet e shpëtimit janë duke punuar për ta shuar zjarrin i cili i dëmtoi së paku 30 tenda të tregut të hapur, si dhe janë duke shikuar nën rrënoja për ndonjë civilë të ngecur.
Blinkeni po e viziton Kievin me synim për ta ndihmuar kundërofensivën tremujore të Ukrainës.
MARKETING
