Rusia dhe Ukraina rinisin sulmet me dronë, dy të vrarë para përfundimit të armëpushimit

Pas skadimit të një armëpushimi të shkurtër të shpallur për Pashkët Ortodokse, luftimet mes Rusisë dhe Ukrainës kanë rifilluar me intensitet, duke përfshirë sulme të reja me dronë dhe akuza të ndërsjella për shkelje masive të marrëveshjes së përkohshme.

Forcat Ajrore të Ukrainës njoftuan se Rusia ka lëshuar 98 mjete ajrore pa pilot gjatë natës, nga të cilat 87 janë rrëzuar. Nga ana tjetër, Ministria ruse e Mbrojtjes deklaroi se ka interceptuar 33 dronë ukrainas.

Gjatë 32 orëve të armëpushimit të Pashkëve, të dyja palët kanë akuzuar njëra-tjetrën për qindra shkelje të marrëveshjes. Sipas autoriteteve ukrainase, janë regjistruar mbi 10,700 incidente shkeljesh nga ana ruse, përfshirë granatime, sulme tokësore dhe përdorim të dronëve. Rusia, nga ana e saj, pretendon se ka dokumentuar rreth 1,900 shkelje nga pala ukrainase.

Ndërkohë, autoritetet lokale në Ukrainë raportojnë viktima civile në rajonin e Donetskut, ku dy persona janë vrarë në qytetet Kramatorsk dhe Druzhkivka pak para përfundimit të armëpushimit.

MARKETING