Rusia dhe SHBA-ja njoftojnë për përparim në zgjidhjen e çështjes së Ukrainës

Rusia dhe SHBA-ja njoftuan se është shënuar përparim në zgjidhjen e konfliktit ukrainas, duke theksuar shfaqjen e kushteve të nevojshme për fillimin e negociatave që synojnë krijimin e një rruge të besueshme drejt paqes së qëndrueshme, transmeton Anadolu.

Ministria e Jashtme e Rusisë tha se këto deklarata u bënë gjatë një telefonate të zhvilluar të dielën në mbrëmje midis ministrit të Jashtëm rus Sergey Lavrov dhe Sekretarit amerikan të Shtetit Marco Rubio.

Duke e përshkruar bisedën si një “shkëmbim produktiv pikëpamjesh”, ministria tha se diskutimet u përqendruan kryesisht në elementët kritikë të angazhimit diplomatik Rusi-SHBA, duke u përqendruar veçanërisht në krizën ukrainase.

Lavrov dhe Rubio “potencuan rëndësinë e konsolidimit të parakushteve të reja për fillimin e negociatave në mënyrë që të bien dakord për një rrugë të besueshme drejt paqes së qëndrueshme afatgjate” si vazhdim i bisedës së 25 prillit midis presidentit rus Vladimir Putin dhe të dërguarit special të SHBA-së Steve Witkoff”, vuri në dukje ministria.

Në bisedë u trajtuan gjithashtu çështje të tjera globale ndërsa dy diplomatët më të lartë ranë dakord të vazhdojnë kontaktet në të gjitha nivelet.

MARKETING