Putini humb aleatin usht’arak, Armenia tërhiqet nga aleanca me Rusinë dhe ish-vendet sovjetike

Armenia nuk do të marrë pjesë në takimet e Organizatës së Traktatit të Sigurisë Kolektive (CSTO) dhe në thelb e konsideron veten jashtë aleancës, ka thënë kryeministri armen, Nikol Pashinyan.

CSTO, e themeluar në vitin 1992 pas shpërbërjes së Bashkimit Sovjetik, përfshin disa ish-republika sovjetike, me Armeninë si një nga anëtarët themelues të saj.

Nën udhëheqjen e Pashinyan, Armenia është distancuar nga CSTO, pasi ka ngrirë pjesëmarrjen e saj në fillim të këtij viti.

Kryeministri theksoi se perspektivat e ndryshme midis Armenisë dhe Rusisë në lidhje me aleancën po e bëjnë “gjithnjë e më të vështirë, nëse jo të pamundur” për Armeninë të konsiderojë kthimin në CSTO.

Në një fjalim parlamentar, Pashinyan iu referua konflikteve territoriale me Azerbajxhanin në 2021 dhe 2022.

Ai vuri në dukje se kur kërkoi mbështetje nga aleatët e CSTO-së gjatë këtyre episodeve, përgjigjet e tyre treguan konfuzion në lidhje me kufijtë e Armenisë.

“Ne u thamë aleatëve tanë se “vijat e kuqe” janë kaluar, pas së cilës ata u përgjigjën se duket se kufiri nuk është i kufizuar… Nëse organizata nuk e di se ku janë kufijtë e Armenisë, atëherë CSTO nuk ekziston.” tha Pashinyan.

MARKETING