Putin paralajmëron për efektet e mundshme negative të sanksioneve në ekonominë ruse

Presidenti rus Vladimir Putin paralajmëroi qeverinë për efektet e mundshme negative të sanksioneve perëndimore në ekonominë e vendit, raporton Anadolu.

Putin tha në një takim me ministrat e kabinetit në Moskë se, në përgjithësi, Rusia miratoi masa kufizuese, por “kufizimet e paligjshme në afat të mesëm mund të kenë vërtet një ndikim negativ”.

Ai u kërkoi ministrave të rrisin efikasitetin e ekonomisë dhe të mbështesin projektet që synojnë zhvillimin teknologjik dhe infrastrukturën e vendit.

Putin vuri në dukje se javën e kaluar gjatë vizitës së presidentit kinez Xi Jinping, Moska dhe Pekini caktuan tetë fusha bashkëpunimi.

“Këta përfshijnë krijimin e partneriteteve teknologjike, zhvillimin e infrastrukturës së ndërlidhur, bashkëpunimin në sektorin financiar dhe atë real”, tha ai.

Putin shtoi se në një takim tjetër javën e kaluar me përfaqësuesit e biznesit, ai diskutoi një model të ri rritjeje për ekonominë dhe çfarë duhet bërë për ta mbështetur atë.

MARKETING