Presidenti iranian, Pezeshkian: Çdo sulmi do t’i përgjigjemi në të njëjtin nivel

Presidenti i Iranit, Masoud Pezeshkian tha se ata nuk duan që lufta të përshkallëzohet, por do t’u përgjigjen sulmeve të Izraelit në të njëjtin nivel, transmeton Anadolu.

Në mesazhin që ndau në llogarinë e tij në X, Pezeshkian ndau informacionin në lidhje me përmbajtjen e telefonatës së tij me presidentin turk Recep Tayyip Erdoğan.

Duke thënë se ata nuk e filluan luftën, por se e informuan Erdoğanin se do t’u përgjigjen sulmeve të Izraelit në të njëjtin nivel, Pezeshkian tha: “Ne nuk duam ta përshkallëzojmë luftën, por do të japim kundërpërgjigje ndaj çdo agresioni kundër Iranit”.

– Konflikti që filloi me sulmet e dhunshme të Izraelit ndaj Iranit

Më 13 qershor, Izraeli kreu sulme në shkallë të gjerë duke shënjestruar objektet bërthamore në qytete të ndryshme në Iran, përfshirë edhe nivelin e lartë komandues të ushtrisë.

Shefi i Shtabit të Përgjithshëm iranian, komandanti i përgjithshëm i Gardës Revolucionare, disa komandantë të lartë dhe 9 shkencëtarë bërthamorë humbën jetën në sulme ndërsa numri i përgjithshëm i civilëve të vrarë u rrit në 224.

Më tej u tha se 24 persona u vranë dhe më shumë se 500 të tjerë u plagosën në kundërsulmet e ushtrisë iraniane me raketa balistike ndaj Izraelit.

Shumë vende veçanërisht Turqia, e dënuan Izraelin.

MARKETING