Presidenti iranian: Irani nuk ushqen “asnjë armiqësi” ndaj popullit amerikan

Presidenti iranian, Masoud Pezeshkian, në një letër drejtuar popullit amerikan ka deklaruar se Irani nuk ushqen armiqësi ndaj amerikanëve të zakonshëm, transmeton Anadolu.

MARKETING

“Populli iranian nuk ushqen armiqësi ndaj kombeve të tjera, përfshirë popullin e Amerikës, Evropës apo vendeve fqinje”, tha ai në letrën e cituar nga televizioni shtetëror Press TV.

Pezeshkian i ftoi amerikanët të shohin përtej retorikës politike dhe të rishqyrtojnë atë që ai e përshkroi si “realitetet e së kaluarës, të tashmes dhe aspiratave të Iranit” për një të ardhme të bazuar në “të vërtetën, dinjitetin dhe mirëkuptimin e ndërsjellë”.

Ai tha se mes “narrativave konkurruese dhe tensioneve të thella gjeopolitike”, marrëdhëniet midis Iranit dhe SHBA-së mbeten ndër “më të keqkuptuarat”.

Pezeshkian theksoi se Irani nuk ka ndjekur “agresion, zgjerim, kolonializëm apo dominim” dhe nuk ka zgjedhur kurrë të fillojë luftë.

SHBA-ja dhe Izraeli kanë vazhduar një ofensivë ajrore ndaj Iranit që nga 28 shkurti, duke vrarë deri më tani mbi 1.340 njerëz, përfshirë liderin suprem të atëhershëm, Ali Khamenei.

Irani është hakmarrë me sulme me dronë dhe raketa që synojnë Izraelin, së bashku me Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë, ndërsa kanë prishur tregjet dhe aviacionin global.

MARKETING