Përplasje në protestat në New York kundër mbështetjes së SHBA-së për Izraelin
MARKETING
Mijëra demonstrues pro-palestinezë kanë marshuar nëpër rrugët e New Yorkut, duke protestuar kundër ofensivës ushtarake të Izraelit në Gaza dhe duke denoncuar mbështetjen e vazhdueshme ushtarake dhe financiare të SHBA-së për Izraelin, raporton Anadolu.
MARKETING
Duke valëvitur flamuj palestinezë dhe duke brohoritur slogane, demonstruesit bënë thirrje për një armëpushim të menjëhershëm dhe kërkuan që qeveria amerikane të ndalojë dërgesat e armëve në Izrael.
Tensionet u përshkallëzuan gjatë tubimit kur shpërthyen konfrontime midis demonstruesve pro-palestinezë dhe pro-izraelitë, pas çka ndërhyri policia duke arrestuar disa persona.
Duke refuzuar thirrjet ndërkombëtare për një armëpushim, ushtria izraelite ka vazhduar me ofensivën brutale kundër Gazës që nga tetori i vitit 2023, duke vrarë të paktën 56.300 palestinezë, shumica prej tyre gra dhe fëmijë.
Nëntorin e kaluar, Gjykata Ndërkombëtare Penale lëshoi urdhër-arreste ndaj ish-kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli gjithashtu përballet me një padi gjenocidi në Gjykatën Ndërkombëtare të Drejtësisë për luftën në enklavën palestineze.
MARKETING
