Papa Leoni: Fëmijë, familje e të moshuar në Gaza të dënuar me uri
Papa Leoni në meshën e tij të inaugurimit në Sheshin e Shën Pjetrit në Vatikan ka deklaruar se “fëmijët, familjet dhe të moshuarit në Gaza janë dënuar me uri”, transmeton Anadolu.
MARKETING
Duke falënderuar rreth 200 mijë njerëz dhe delegacione të shumta që përfaqësonin shtete, familje mbretërore dhe kisha të tjera të krishtera, sipas Agjencisë së Lajmeve të Vatikanit, Papa tha: “Në gëzimin e besimit dhe bashkimit, nuk mund t’i harrojmë vëllezërit dhe motrat tona që po vuajnë për shkak të luftës”.
Veçanërisht për Ukrainën, Papa theksoi rëndësinë e negociatave për të sjellë një paqe të drejtë dhe të qëndrueshme në Ukrainë.
Pas meshës, Papa u takua privatisht me presidentin ukrainas, Volodymyr Zelenskyy.
Ushtria izraelite vazhdon me ofensivën brutale në Rripin e Gazës që nga 7 tetori i vitit 2023, duke vrarë mbi 53,300 palestinezë, shumica prej tyre gra dhe fëmijë.
Nëntorin e kaluar, Gjykata Ndërkombëtare Penale lëshoi urdhër-arreste ndaj kryeministrit izraelit, Benjamin Netanyahu dhe ish-ministrit të Mbrojtjes, Yoav Gallant, duke i akuzuar për krime lufte dhe krime kundër njerëzimit në Gaza.
Izraeli gjithashtu përballet me një padi për gjenocid në Gjykatën Ndërkombëtare të Drejtësisë për luftën në enklavë.
MARKETING
