Orban bën thirrje për heqjen e sanksioneve ndaj Rusisë për shkak të krizës energjetike në Evropë

Kryeministri hungarez, Viktor Orban, ka paralajmëruar se Evropa po shkon drejt një krize të rëndë ekonomike dhe ka bërë thirrje për heqjen e menjëhershme të sanksioneve ndaj energjisë ruse, transmeton Anadolu.

MARKETING

“Evropa po shkon drejt një prej krizave më të rënda ekonomike në historinë e saj. Bota po përballet me një krizë serioze energjetike. Evropa është në rrezik të madh”, tha Orban në rrjetin social amerikan X.

“E vetmja rrugëdalje është heqja e sanksioneve të vendosura ndaj energjisë ruse. Menjëherë. Duhet të mendojmë jo për Putinin, por për vendin tonë dhe popujt tanë. Në vend të nxitjes së luftës, duaje dhe shpëto vendin tënd, Donald!”, shtoi ai.

Deklaratat e Orbanit erdhën si përgjigje ndaj presidentit polak, Donald Tusk, i cili kishte akuzuar liderin hungarez për minimin e unitetit evropian dhe për shërbim ndaj interesave strategjike të Rusisë.

“Kërcënimi i shpërbërjes së NATO-s, lehtësimi i sanksioneve ndaj Rusisë, një krizë e madhe energjetike në Evropë, ndalimi i ndihmës për Ukrainën dhe bllokimi i kredisë për Kievin nga Orban, e gjitha duket si plani i ëndrrave të Putinit”, tha Tusk në një postim.

Kriza globale e energjisë është thelluar pasi SHBA-ja dhe Izraeli nisën një ofensivë ajrore ndaj Iranit më 28 shkurt, duke shkaktuar deri më tani mbi 1.340 të vdekur, përfshirë udhëheqësin suprem të atëhershëm, Ali Khamenei.

Irani është kundërpërgjigjur me sulme me dronë dhe raketa që kanë shënjestruar Izraelin, si dhe Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë, si dhe duke tronditur tregjet globale dhe aviacionin.

MARKETING