NATO njofton stërvitje ushtarake për parandalimin e armëve bërthamore

Stërvitja vjetore e NATO-s për parandalimin bërthamor, Steadfast Noon, do të mbahet në Holandë dhe do të fillojë javën e ardhshme, me mbi 70 aeroplanë nga 14 vende që marrin pjesë.

“Ky ushtrim i dërgon një sinjal të qartë çdo kundërshtari të mundshëm se ne mundemi dhe do t’i mbrojmë të gjithë aleatët tanë nga çdo kërcënim”, tha Sekretari i Përgjithshëm i NATO-s, Mark Rutte, në Bazën Ajrore Holandeze Volkel.

Stërvitja ushtarake do të përfshijë baza ushtarake në Kleine Brogel në Belgjikë, Lakenheath në Britani dhe Skrydstrup në Danimarkë.

“Ne duhet ta bëjmë këtë sepse na ndihmon të sigurohemi që parandaluesi ynë bërthamor të mbetet sa më i besueshëm, i sigurt dhe efektiv të jetë e mundur”, shtoi Rutte.

Stërvitja nuk përdor armë bërthamore, por simulon skenarë në të cilët ato mund të përdoren, njoftuan zyrtarët e NATO-s.

Drejtori i politikës bërthamore të NATO-s, Jim Stokes, tha se stërvitja Steadfast Noon është “rutinë” dhe “nuk synon asnjë vend të vetëm”.

“Gjithashtu nuk është e lidhur me asnjë ngjarje të botës”, shtoi ai.

MARKETING