MEPSO: Sistemi i transmetimit është i qëndrueshëm, nuk ka nevojë për aktivizimin e masave të përkohshme

Për momentin, nuk ka rreziqe për stabilitetin e rrjetit të transmetimit në vend. Sistemi elektroenergjetik është i qëndrueshëm, i sigurt dhe nën monitorim 24-orësh të rrjedhave rajonale të energjisë elektrike nga Qendra Kombëtare në SHA MEPSO, njofton kompania.

Ata shtojnë se të gjithë parametrat e rrjetit të transmetimit janë brenda kufijve normalë dhe në këtë pikë nuk ka nevojë të aktivizohen masat e miratuara nga Komisioni Rregullator i Energjetikës (KRRE).

Sipas Vendimit të djeshëm të KRRE-së, SHA MEPSO, si operator i sistemit elektrotransmetues, mund të ndërmarrë masa të përkohshme dhe rreptësisht të kontrolluara në periudhën nga 1 maji deri më 31 tetor, vetëm në rast se ekziston një rrezik real për stabilitetin e sistemit.

Kjo përfshin mundësinë e shkëputjes së prodhuesve të energjisë elektrike të lidhur në rrjetin e transmetimit ose atë distributiv. Prodhuesve të shkëputur nuk do t’u llogariten devijimet, ndërsa prodhuesit e privilegjuar nuk do të preken nga këto masa.

MARKETING