Kryeministri francez i mbijeton mocionit të mosbesimit

Kryeministri francez Francois Bayrou i mbijetoi mocionit të tij të fundit të mosbesimit në parlament të martën, pasi ligjvënësit e Tubimit Kombëtar (RN) të ekstremit të djathtë nuk mbështetën një masë të sjellë nga kundërshtarët e tij të majtë.
Pavarësisht se i mbijetoi mocionit të tij të tetë të mosbesimit që nga marrja e detyrës dhjetorin e kaluar, mandati i Bayrou-t si kryeministër duket gjithnjë e më i pasigurt. Ai tani e gjen veten në të njëjtën pozicion si paraardhësi i tij Michel Barnier, mandati tremujor i të cilit si kryeministër përfundoi pasi Tubimi Kombëtar i dha fund qeverisjes së tij.

Zyrtarët nga RN – partia më e madhe në Asamblenë Kombëtare, por pa shumicën – thanë se nuk do ta mbështesin mocionin e mosbesimit. Ata preferojnë të përmbahen deri më vonë gjatë vitit, kur bisedimet edhe më komplekse mbi miratimin e buxhetit të vitit 2026 kërcënojnë të rrëzojnë përsëri qeverinë e Francës.

Bayrou përballet me një sfidë të vështirë për të siguruar 40 miliardë euro shkurtime shpenzimesh për buxhetin e vitit 2026.

Socialistët ngritën mocionin e mosbesimit pas bisedimeve disamujore për të ndryshuar reformën e diskutueshme të pensioneve në vend, të cilat përfunduan pa një marrëveshje . Bayrou i thirri bisedimet për të siguruar mbështetjen e socialistëve kundër një mocioni të mëparshëm mosbesimi, por marrëveshja e tyre e brishtë tani është e vdekur.

MARKETING