Kreu i delegacionit rus: Mbërritëm në Stamboll për të kryer “punë serioze dhe profesionale”

Kreu i delegacionit rus për bisedimet e paqes me Ukrainën, Vladimir Medinsky, ka deklaruar se delegacioni rus mbërriti në Stamboll për të kryer “punë serioze dhe profesionale” që synojnë arritjen e paqes, transmeton Anadolu.

“Ne mbërritëm në Stamboll duke përfaqësuar presidentin, pikërisht siç premtuam më 15 maj. Ne jemi të përkushtuar për të kryer punë serioze dhe profesionale”, tha Medinsky në platformën Telegram, i cili shërben si këshilltar presidencial.

Medinsky theksoi se qëllimi i negociatave të drejtpërdrejta të iniciuara nga presidenti rus, Vladimir Putin, është të arrihet paqe e qëndrueshme duke adresuar shkaqet themelore të konfliktit.

Negociatat e paqes midis Rusisë dhe Ukrainës u zhvilluan në mars të vitit 2022 në Stamboll. U ra dakord për një draft marrëveshje të paqes, por pala ukrainase mori kohë për ta shqyrtuar atë dhe më pas u tërhoq nga procesi i negociatave.

Më 11 maj, Putin propozoi rifillimin e bisedimeve, me të cilat pala ukrainase u pajtua. Negociatat fillimisht ishin planifikuar të fillojnë të enjten në mëngjes në Pallatin Dolmabahçe në Stamboll, por më vonë u ricaktuan për pasdite.

Më herët, presidenti ukrainas, Volodymyr Zelenskyy tha se delegacioni i Ukrainës përfshin përfaqësues nga ministritë e jashtme dhe të mbrojtjes si dhe anëtarë të shërbimeve të inteligjencës së vendit.

MARKETING