Kina: Tarifat e reja të Trumpit minojnë sistemin tregtar multilateral

Kina kërkuar nga SHBA-ja që të zgjidhë dallimet e saj tregtare me vendet e tjera në një “mënyrë të barabartë”, duke e quajtur njoftimin e presidentit Donald Trump për tarifat e reja një hap që minon sistemin tregtar multilateral të bazuar në rregulla, transmeton Anadolu.

Zëdhënësi i Ministrisë së Punëve të Jashtme të Kinës, Guo Jiakun u tha gazetarëve se Pekini do të ndërmarrë “me vendosmëri kundërmasa për të mbrojtur interesat e veta”.

“Nuk ka fitues në një luftë tregtare dhe proteksionizmi nuk të çon askund. Kina i bën thirrje SHBA-së që menjëherë të korrigjojë gabimin e saj dhe të zgjidhë dallimet tregtare me vendet e tjera, përfshirë me Kinën, në mënyrë të barabartë, të respektueshme dhe reciprokisht të dobishme”, tha Guo.

Komentet e tij vijnë si reagim i Pekinit ndaj vendosjes së “tarifave reciproke” të SHBA-së ndaj partnerëve të saj tregtar, ndër to një tarifë prej 34 për qind ndaj Kinës.

Guo tha se masa e presidentit Trump “shkel seriozisht” rregullat e Organizatës Botërore të Tregtisë dhe “minon” sistemin tregtar multilateral të bazuar në rregulla.

MARKETING