Karpuzovska e EVN-së ndër më të mirat në botë në fushën e komunikimeve

Në Podgoricë, në hotelin “Hilton”, u ndanë në mënyrë solemne çmimet ndërkombëtare PRO PR Globe People Achievement Awards, të cilat bashkojnë profesionistët kryesorë të komunikimit nga e gjithë bota. Këtë vit, u vlerësuan 32 ekspertë nga 13 vende, duke konfirmuar rëndësinë globale të profesionit të marrëdhënieve me publikun.
Fituesja nga Maqedonia është Lençe Karpuzovska, menaxhere për komunikime (PR dhe marketing) në EVN, e cila u vlerësua për punën e saj profesionale dhe kontributin në këtë fushë.
“Ky çmim ka një rëndësi të veçantë për mua, pasi vjen nga profesionistë të nivelit më të lartë në botë, të cilët i njohin më së miri të gjitha sfidat dhe përpjekjet e padukshme pas skenës së komunikimit. Ky përvojë nuk ka vlerë të plotë nëse nuk ndahet me gjeneratat e reja”, deklaroi Karpuzovska, duke theksuar se suksesi është rezultat i punës ekipore.
Ndër fituesit ishin edhe ekspertë të njohur të komunikimit nga rajoni si dhe profesionistë nga Mbretëria e Bashkuar, India, Gjermania dhe Franca.

MARKETING