Izraeli njofton për sulme të reja në perëndim të Iranit

Izraeli njoftoi se 20 avionë luftarakë kryen sulme të reja ajrore në perëndim të Iranit, transmeton Anadolu.

Në një deklaratë nga ushtria izraelite thuhet se avionët luftarakë shënjestruan objektiva në Iranin perëndimor me sulme ajrore.

Avionët luftarakë izraelitë thuhet se kryen sulme të shumta ndaj kapacitetit ushtarak të Iranit dhe infrastrukturës së raketave balistike.

Pretendohet gjithashtu se një mjet ajror pa pilot (dron) izraelit goditi kamionët që transportonin raketa balistike në Iran.

– Konflikti që filloi me sulmet e dhunshme të Izraelit ndaj Iranit

Më 13 qershor, Izraeli kreu sulme në shkallë të gjerë duke shënjestruar objektet bërthamore në qytete të ndryshme në Iran, përfshirë edhe nivelin e lartë komandues të ushtrisë.

Shefi i Shtabit të Përgjithshëm iranian, komandanti i përgjithshëm i Gardës Revolucionare, disa komandantë të lartë dhe 9 shkencëtarë bërthamorë u vranë në sulmet e Izraelit ndërsa numri i civilëve të vrarë u rrit në 224.

Më tej u tha se 24 persona u vranë dhe mbi 500 të tjerë u plagosën në kundërsulmet e ushtrisë iraniane me raketa balistike ndaj Izraelit.

Shumë vende veçanërisht Turqia, e dënuan Izraelin.

MARKETING