Izraeli nis një valë sulmesh ajrore në shkallë të gjerë në kryeqytetin e Iranit

Ushtria izraelite tha sot se ka filluar një valë sulmesh ajrore “në shkallë të gjerë” në kryeqytetin iranian, Teheran, transmeton Anadolu.

Një deklaratë ushtarake pretendon se sulmet kanë në shënjestër infrastrukturën e regjimit në të gjithë kryeqytetin. Ndërkohë nuk u dhanë detaje rreth objektivave të bombarduar apo viktimave të mundshme.

Sulmet e reja erdhën menjëherë pasi media izraelite raportoi një breshëri raketash nga Irani pas pretendimeve izraelite për vrasjen e zyrtarit të lartë të sigurisë iraniane, Ali Larijani, në një sulm ajror gjatë natës.

Izraeli dhe SHBA-ja kanë vazhduar ofensivën e përbashkët ndaj Iranit që nga 28 shkurti, duke vrarë deri më tani rreth 1.300 njerëz, përfshirë udhëheqësin suprem të atëhershëm Ali Khamenei.

Irani është hakmarrë me sulme me dronë dhe raketa që kanë shënjestruar Izraelin, Jordaninë, Irakun dhe vendet e Gjirit që strehojnë asete ushtarake amerikane, duke shkaktuar viktima dhe dëme në infrastrukturë, ndërsa ka prishur tregjet globale dhe aviacionin.

MARKETING