Hekurudha Tiranë-Durrës-Rinas, nis ndërtimi i godinave të reja të stacioneve

Projekti i hekurudhës Tiranë-Durrës-Rinas po avancon.

Zëvendëskryeministrja e Shqipërisë, njëherësh ministre e Infrastrukturës dhe e Energjisë, Belinda Balluku, tha se, “Tashmë jemi gati për ta nisur punën për ndërtimin e godinave të reja të stacioneve përgjatë linjës hekurudhore”.

Balluku bëri të ditur se hekurudha Tiranë-Durrës-Rinas do të ketë 9 ndalesa, të cilat do të ofrojnë kushte moderne e komode për të gjithë udhëtarët.

“Puna po vijon, shumë shpejt një alternativë e re udhëtimi për të gjithë qytetarët më shpejt, më lirë dhe miqësore me mjedisin”, tha Balluku.

Linja hekurudhore Tiranë-Durrës-Rinas do të jetë një linjë tërësisht elektrike, me një impakt të rëndësishëm në fushën e transportit në vend, thonë autoritetet.

MARKETING