Guvernatorja e New Yorkut shpall gjendje të jashtëzakonshme për shkak të reshjeve të dendura dhe rrezikut nga përmbytjet

Guvernatorja e New Yorkut, Kathy Hochul, ka shpallur gjendje të jashtëzakonshme në New York City dhe qarqet përreth, për shkak të reshjeve të rrëmbyeshme që rrezikojnë të shkaktojnë përmbytje të menjëhershme dhe të përhapura, transmeton Anadolu

“U bëj thirrje të gjithë banorëve të New Yorkut që të qëndrojnë vigjilentë, të informuar dhe të përdorin kujdes, pasi presim reshje të tepërta me potencial për përmbytje të menjëhershme”, tha guvernatorja Hochul.

Sipas saj, rezervat shtetërore janë gati për të vendosur pajisje dhe burime të emergjencës sipas nevojës.

Qarqet që janë nën gjendje të jashtëzakonshme përfshijnë Bronx, Delaware, Dutchess, Kings, Nassau, New York, Orange, Putnam, Queens, Richmond, Rockland, Suffolk, Sullivan, Ulster, Westchester dhe zonat përreth.

Punonjësit shtetërorë jo-detar në qarqet e prekura janë liruar më herët nga puna.

Pamjet filmike të shpërndara në rrjetet sociale treguan makina të zhytura në ujë në autostradën Clearview Expressway në Queens, duke nxjerrë në pah ashpërsinë e stuhisë. Janë të mundshme përmbytje të menjëhershme, vonesa në transport dhe ndërprerje në rrjetin e metrosë, ndërsa sipas CBS News, reshjet mund të arrijnë deri në dy inç (rreth 5 cm) në orë.

MARKETING