Greqia falënderon Turqinë për ndihmën në luftimin e zjarreve
Kryeministri grek falënderoi Türkiyen për ndihmën teksa Greqia po lufton me zjarret e furishme që nga e hëna, transmeton Anadolu.
“Mirënjohja jonë shkon për Türkiyen që dërgoi dy aeroplanë zjarrfikës dhe një helikopter për të na ndihmuar në luftën tonë kundër zjarreve në pyje. Faleminderit, Türkiye!”, tha Kyriakos Mitsotakis në Twitter.
Më herët, Ministria e Jashtme greke falënderoi gjithashtu Ankaranë për ndihmën, duke thënë: “Faleminderit, Türkiye, për gatishmërinë tuaj për të ofruar mbështetje zjarrfikëse dhe për të ndihmuar Greqinë në trajtimin e zjarreve të rënda”.
Dy avionë amfibë zjarrfikës dhe një helikopter zjarrfikës, që u nisën nga Türkiye, mbërritën në Greqi sot herët.
Zjarrfikësit janë përpjekur të marrin nën kontroll zjarrin që shpërtheu në zonën e gjerë të Athinës, duke shkatërruar shtëpi dhe duke detyruar evakuime.
MARKETING
