Grenlanda arrin marrëveshje për minerale me Evropën
Grenlanda ka miratuar shfrytëzimin e një shkëmbi kyç për prodhimin e aluminit për një konsorcium danezo-francez.
MARKETING
Grenlanda ka miratuar shfrytëzimin e një shkëmbi kyç për prodhimin e aluminit për një konsorcium danezo-francez.
Leja për nxjerrjen e anortozitëve është dhënë nga kompania Greenland Anorthosite Mining (GAM).
Kjo vjen pasi presidenti amerikan Donald Trump tregoi interes për blerjen e këtij ishulli autonom, i cili është pjesë e Danimarkës.
Kompanisë GAM, e mbështetur nga grupi francez Jean Boulle dhe fondet e investimeve nga Danimarka dhe Grenlanda, iu dha një koncesion 30-vjeçar.
Jesper Willaing Zeuthen, një profesor i asociuar pranë Universitetit danez Aalborg, tha për Newsweek, se interesi i Trump për burimet e Grenlandës ka të ngjarë të synojë sigurimin e investimeve afatgjata, gjë që është e vështirë sipas ligjeve aktuale të Grenlandës.
Grenlanda ka qenë në qendër të vëmendjes kur Trump shprehu dëshirën e tij për të aneksuar ishullin e pasur me minerale, naftë dhe gaz në SHBA.
Ministrja e Burimeve Minerale të Grenlandës, Naaja Nathanielsen tha se interesi amerikan nuk ka rezultuar në investime dhe se bashkëpunimi me partnerët evropianë po përparon më shpejt.
GAM mbështetet nga grupi francez i investimeve Jean Boulle dhe fondet sovrane të pasurisë nga Grenlanda dhe Danimarka.
Zeuthen vuri në dukje se kompania duhet të gjejë ende investitorë për të filluar ndërtimin, një fazë në të cilën shumë projekte të tjera kanë ngecur më parë.
MARKETING
