Gjermania po rikthen shërbimin e detyrueshëm ushtarak?
Ndërsa vendet rreth Evropës rritin mbrojtjen e tyre mes frikës nga agresioni rus, ministri gjerman i Mbrojtjes ka pranuar se mund t’u duhet të rrisin përpjekjet për rekrutim.
MARKETING
Boris Pistorius tha se ata mund të rivendosin shërbimin e detyrueshëm ushtarak – nëse një sistem vullnetar i rinovuar nuk arrin të përmbushë qëllimet e rekrutimit.
Në një intervistë me Frankfurter Allgemeine Sonntagszeitung, ai tha se programi fillestar do të mbështetet në regjistrimin vullnetar, por paralajmëroi se kjo mund të ndryshojë, shkruan skynews, përcjell Telegrafi.
“Nëse vjen koha kur kemi më shumë kapacitete në dispozicion se regjistrimet vullnetare, atëherë mund të merret një vendim që rekrutimi të bëhet i detyrueshëm”, tha Pistorius.
Ndryshe, Gjermania e pezulloi shërbimin e detyrueshëm në 2011.
Por, ajo ka luftuar për të përmbushur objektivat e trupave ndërsa kërkesat për mbrojtje rriten pas agresionit rus në Ukrainë.
MARKETING
