Gjermania i dërgon në Ukrainë tanket e shumëpritura

Ngarkesa e parë e tankeve Leopard 2 nga Gjermania është dërguar në Ukrainë, tha Ministria gjermane e Mbrojtjes.

18 tanke luftarake u dorëzuan pasi ekuipazhet ukrainase u trajnuan për t’i përdorur ato, shkruan BBC.

Ministri i Mbrojtjes Boris Pistorius tha se ishte i sigurt se tanket mund të “bënin një kontribut vendimtar” në vijën e parë të luftës.

Sipas raporteve nga Ukraina, kanë mbërritur edhe tanket Challenger 2 nga Britania e Madhe.

Ukraina ka kërkuar prej muajsh për më shumë automjete dhe sisteme armësh për të ndihmuar në luftimin kundër Rusisë.

Qeveria ukrainase nuk ka komentuar ende për mbërritjen e Leopard 2s, por ata kanë konfirmuar mbërritjen e tankeve të parë Challenger 2 të prodhuara në Mbretërinë e Bashkuar.
Rreth 2000 Leopard 2, të konsideruar gjerësisht si ndër tanket më të mira në beteja të prodhuara nga vendet e NATO-s, janë në përdorim nga vendet evropiane.

Gjermania ra dakord t’i furnizonte Ukrainës me tanke në janar, pasi fillimisht hezitoi ta bënte këtë, apo edhe t’i lejonte vendet e tjera të dërgonin tanket e tyret.

Sipas ligjit gjerman, Berlini duhet të miratojë që Leopard 2 të rieksportohet nga çdo vend.

Ushtria gjermane ka trajnuar ekuipazhet e tankeve ukrainase për të përdorur variantin e avancuar A6 të Leopard 2 gjatë disa javëve të fundit.

Në krye të Leopard 2s, Gjermania i ka dërguar gjithashtu Ukrainës dy automjete të specializuara për rikuperimin e tankeve dhe 40 automjete luftarake të këmbësorisë Marder.

Duke postuar një foto të një Challenger 2 së bashku me automjete të tjera ushtarake të prodhimit perëndimor në faqen e tij në Facebook, Ministri i Mbrojtjes Oleksii Reznikov e përshkroi automjetin britanik si një vepër të artit ushtarak.

Ministria e Mbrojtjes e Mbretërisë së Bashkuar nuk pranoi të komentojë, por më herët konfirmoi se ekuipazhet ukrainase të tankeve që stërviteshin në Britani ishin kthyer në shtëpi pasi kishin përfunduar stërvitjen e tyre me tanke.

MARKETING