Fëmijëve australianë iu ndalohet hyrja në rrjetet sociale
Kryeministri australian, Anthony Albanese njoftoi sot futjen e një ligji që do të ndalojë të miturit nën moshën 16-vjeçare të përdorin rrjetet sociale.
Ligji do të prezantohet në parlamentin australian gjatë dy javëve të fundit të seancës së këtij viti, duke filluar nga 18 nëntori, raporton skynews.
YouTube gjithashtu ka të ngjarë të bjerë nën ligj, tha Ministrja e Komunikimit, Michelle Rowland.
Platformat do të penalizohen për tejkalimin e kufirit të moshës, por jo të miturit dhe prindërit e tyre.
“Barra do të jetë mbi platformat e mediave sociale për të treguar se po marrin hapa të arsyeshëm për të parandaluar qasjen (nga moshat nën 16 vjeç). Nuk do të jetë mbi prindërit apo të rinjtë”, tha Albanese.
Nuk do të ketë përjashtime për fëmijët që kanë pëlqimin prindëror ose që kanë tashmë llogari, por Albanese theksoi se përjashtim do të ketë për personat që kanë nevojë për rrjetet sociale shkaku i shërbimeve arsimore. /Telegrafi/
MARKETING
