Familjet e pengjeve izraelite: Plani për sulm në Gaza nënkupton heqje dorë nga pengjet
Familjet e pengjeve izraelite thanë se miratimi i planit nga qeveria e kryeministrit Benjamin Netanyahu për zgjerimin e sulmeve në Rripin e Gazës nënkupton heqje dorë nga pengjet izraelite të mbajtur nga Hamasi, transmeton Anadolu.
Familjet e pengjeve izraelite në një deklaratë me shkrim reaguan ndaj planit që u miratua nga kabineti izraelit i sigurisë për zgjerimin e sulmeve në Gaza.
Theksohet se plani në fjalë nënkupton heqje dorë nga pengjet izraelite në Gaza.
Në deklaratën ku shënjestrohet qeveria e Netanyahut thuhet se “(me miratimin e planit të sulmit) Qeveria pranoi këtë mëngjes se zgjodhi territoret në vend të pengjeve”.
Kabineti izraelit i sigurisë miratoi planin e ushtrisë për zgjerimin e sulmeve tokësore në Gaza.
Në planin në fjalë përfshihet pushtimi i më shumë territoreve në Gaza dhe zgjerimi i “zonave tampon”.
Gjithashtu plani përfshin që ushtria izraelite të mos tërhiqet nga territoret e pushtuara dhe që palestinezët të zhvendosen me forcë në jug të Gazës.
MARKETING
