BBC pushon nga puna 155 punonjës

Transmetuesi publik britanik, BBC pushoi nga puna më shumë se 150 punonjës dhe hoqi nga transmetimi programin e famshëm Hard Talk për të kursyer 24 milionë paund.

Sipas lajmit të BBC, në përputhje me objektivin e tyre vjetor të kursimeve prej 700 milionë paund, institucioni njoftoi se 155 persona, përfshirë 25 personel teknik, u pushuan nga puna, disa programe u shfuqizuan dhe disa njësi u mbyllën.

Shkarkimet, heqjet dhe mbylljet do të kenë ndikim prej 24 milionë paund në objektivin vjetor të kursimeve, që korrespondon me 4 për qind të buxhetit të lajmeve.

Ndër programet që u hoqën nga transmetimi ishte programi i famshëm i lajmeve 27-vjeçar i BBC-së, Hard Talk. Programi i natës BBC Radio 5 iu dorëzua stafit të radios lokale dhe kombëtare dhe u mbyll njësia e Rrjetit të Lajmeve Aziatike.

Ndërkohë që u vendos të shtohej numri i punonjësve në vende të ndryshme, u tha se do të hapeshin pozicione të reja në Sydney dhe do të reduktohen disa pozicione në Londër.

Drejtoresha ekzekutiv e BBC News, Deborah Turness tha se pavarësisht hapave të kursimit, BBC do të vazhdojë të ketë burime më të mira se konkurrentët e saj.

MARKETING