Astronautët e NASA-s dhe SpaceX-it kthehen të sigurt në Tokë

Katër astronautë, të cilët kaluan gjashtë muaj në Stacionin Ndërkombëtar të Hapësirës, ​​u kthyen të sigurt në Tokë me anijen kozmike SpaceX Dragon, duke zbritur në brigjet në Jacksonville të Floridas, raporton Anadolu.

Ekipi i astronautëve të NASA-s ishin Stephen Bowen dhe Woody Hoburg, si dhe astronauti i Emirateve të Bashkuara Arabe Sulltan Alneyadi dhe kozmonauti i Roscosmosit Andrey Fedyaev.

Astronautët ishin anëtarë të misionit “Crew-6”, i cili udhëhiqet bashkërisht nga NASA dhe SpaceX.

“Ekipet e anijes kozmike SpaceX morën anijen dhe ekuipazhin e saj. Pas kthimit në breg, ekuipazhi do të fluturojë në Qendrën Hapësinore Johnson të NASA-s në Houston”, thuhet në një deklaratë.

Administratori i NASA-s Bill Nelson tha se misioni, i cili udhëtoi rreth 127 milionë kilometra gjatë misionit të tij, kreu “qindra eksperimente shkencore për të mirën e njerëzimit”.

MARKETING