Amsterdam, 5 të plagosur në një sulm me thikë pranë sheshit të famshëm Dam

Pesë persona janë plagosur në një sulm me thikë që ndodhi në rrugën Sint Nicolaasstraat pranë sheshit të famshëm Dam të qytetit Amsterdam, transmeton Anadolu.

Sipas policisë së Amsterdamit, oficerët mbërritën në vendngjarje menjëherë pasi morën njoftimet për sulmin.

Një i dyshuar u arrestua në lidhje me incidentin, edhe pse autoritetet nuk kanë dhënë detaje të mëtejshme në lidhje me identitetin e të dyshuarit apo motivet e mundshme të sulmit.

Policia fillimisht ka njoftuar publikun për situatën përmes rrjeteve sociale, duke bërë të ditur se hetimet po vijojnë.

Pavarësisht hetimeve të vazhdueshme, zyrtarët ende nuk kanë përcaktuar motivin e sulmit.

“Motivi ende është i paqartë, por pjesë e hetimit tonë”, tha policia në rrjetet sociale.

MARKETING